Өнөөдөр : 2015-01-27, Мягмар

Үндсэн цэс
 

0


Урлагийн тэнхим
Тэнхимийн товч түүх: 2011 оны 9-р сард Урлаг, спортын тэнхим нэртэйгээр байгуулагдаж байсан. 2013 онд МУБИС-ын оны онцлох тэнхим шалгарсан. 2014 оны 5-р  сард Урлагийн тэнхим нэртэйгээр өөрчлөгдөн өдгөө 7 багштай үйл ажиллагаагаа явуулж байна.
Тэнхимийн зорилго: Бага насны хүүхдийн хөгжмийн боловсрол,  гоо зүйн мэдрэмж хөгжмийн урлагаар дамжин чиглүүлэх, зөвлөн туслах, арга зүйг эзэмшсэн хүүхэд бүрийг хөгжүүлэх чадамжтай, манлайлагч багш бэлтгэх ба сургуулийн өмнөх боловсролын байгууллагад хөгжмийн үйл ажиллагааг удирдан зохион байгуулах, хүүхдийн хөгжмийн авъяас чадварыг нээн илрүүлж, хөгжүүлэх, хөгжмийн соёлын суурь бүрэлдэхэд дэмжлэг үзүүлэхэд оршино.
Тэнхимийн үйл ажиллагаа: Тэнхим нь сургуулийн өмнөх боловсролын багшийн бакалаврын сургалтад хөгжмийн боловсрол, хүүхдийн дуу хөгжим, хөгжмийн боловсролын арга зүй, хөгжимт хөдөлгөөн, найрал дуу,  төгөлдөр хуур, бүжгийн хичээлүүдийн заадаг. Туслах багш,  СӨБ-ийн хөгжмийн багш нарын мэргэжил дээшлүүлэх сургалтыг зохион байгуулдаг. Тус тэнхим нь сургуулийн уран сайхны үйл ажиллагаа явуулахын зэрэгцээ оюутнуудын дунд төрөлжсөн дугуйлан хичээлүүлэдэг. Багш нар нь эрдэм шинжилгээ судалгаа,  арга зүйн ажлыг үр дүнтэй хэрэгжүүлэх чанаржуулах зорилгоор тэнхмийн семинарыг тогтмол зохион явуулдаг. Төгсөгчдийнхөө мэдлэг чадварын түвшинд судалгаа хийж,түүний үр дүнг харгалзан сургалтын арга зүйд тодорхой шинэчлэлт хийдэг.





Дэлхийн ахмад тамирчдын өвлийн олимпод оролцоно
2 цаг 40 минутын өмнө
Канад улсын Кюбек хотноо 1-р сарын 31-нээс 2-р сарын 8-ны өдрүүдэд болох Дэлхийн ахмад тамирчдын өвлийн 2-р их наадамд Монголын ахмад тамирчид анх удаагаа оролцох гэж байна. Энэхүү өвлийн олимпод МУБИС-ийн Урлаг, Биеийн тамирын сургуулийн Спортын судалгаа, арга зүйн төвийн эрхлэгч Тэшүүрийн Олон Улсын хэмжээний спортын мастер, Монгол улсын тэшүүрийн спортын 19 удаагийн аварга Г.Болд оролцохоор болжээ. Хоёрдахь удаагаа зохион байгуулагдах Дэлхийн ахмад тамирчдын өвлийн олимп өвлийн олимпийн 9 төрлөөр явагдах бөгөөд
дэлгэрэнгүй
"Хүн–байгалийн шүтэлцээ экологийн хямралаас сэргийлэх хүчин зүйл болох нь ”сэдэвт эрдэм шинжилгээний семинар болов
4 цаг 17 минутын өмнө
“Экологийн менежмент: "Хүн–байгалийн шүтэлцээ экологийн хямралаас сэргийлэх хүчин зүйл болох нь ”сэдэвт  бүх шатны сургууль  хоорондын залуу судлаач-багш нарын  эрдэм шинжилгээний семинар 2015 оны 1 дүгээр сарын 21-ний өдөр МУБИС-ийн “Оюутанд үйлчлэх Төв”-д боллоо. “Экологийн менежмент: хүн – байгалийн шүтэлцээ экологийн хямралаас сэргийлэх хүчин зүйл болох нь ”сэдэвт  бүх шатны сургууль  хоорондын залуу судлаач-багш нарын  эрдэм шинжилгээний семинарын нээлт-ийн үйл ажиллагаанд   МУБИС-ийн  эрдэм шинжилгээ, хамтын ажиллагаа эрхэлсэн дэд захирал, доктор( Ph.D), проф.Л.Цэрэнсодном оролцож залуу судлаачдад судалгааны аргачлал, байгаль, экологийн асуудлаар дэлгэрэнгүй үг хэлж, эрдэм шинжилгээний семинарын үйл ажиллагаанд амжилт хүсэн ерөөв.
дэлгэрэнгүй
Хамтарсан сургалт зохион байгууллаа
5 цаг 49 минутын өмнө
МУБИС-ийн номын сангаас АШУҮИС-ийн Анагаах ухааны төв номын сангийн ажилтнуудтай хамтран 2015 оны 1-р сарын 22-24 ний өдрүүдэд "Мэргэжлийн ёс зүй, ажлын байрандаа өөрийгөө хөгжүүлэх" сэдэвт сургалт мөн "Идэвхитэй хөдөлгөөн эрүүл амьдрал" явган аялал спортын арга хэмжээнүүдийг  амжилттай  зохион байгуулав. Сургалтын эхний өдөр АУТНС дээр мэргэжлийн болон ёс суртахууны талаар сонирхолтой сургалт явагдсан бол
дэлгэрэнгүй
"Огторгуйн Цагаан Гарид" Цэгмид
7 цаг 17 минутын өмнө


"Ялагдаагүй амьдрал" нэвтрүүлэг-МУГБ, доктор(Sc.D) Ц.Өнөрбаян
7 цаг 19 минутын өмнө


Япон улсад ажлын айлчлал хийгээд ирэв
7 цаг 39 минутын өмнө
МУБИС, Нагоя ИХ Сургуулийн хамтын ажиллагааны гэрээний хүрээнд Нагоя Их Сургуулийн Боловсрол судлал, Хүний хөгжил судлалын сургуульд 2015 оны 1 сарын 12-оос 1 сарын 19-ны өдрүүдэд Япон улсын Тусгай хэрэгцээт боловсролын тогтолцоо, эрх зүйн болон сургалтын орчин, багш бэлтгэх хөтөлбөр, хөгжлийн бэрхшээлтэй хүүхдийн боловсрол-сэтгэл зүйн оношлогоо, сургах арга зүй зэрэг үйл ажиллагаатай танилцаж судлах зорилгоор МУБИС-ийн БС-ийн захирал Доктор /Ph.D/ Д.Мандах, БС-ийн Бага боловсролын арга зүйн тэнхимийн эрхлэгч Доктор /Ph.D/ Б.Оюунцэцэг, багш Доктор /Ph.D/ Д.Одгэрэл, Хөтөлбөрийн албаны мэргэжилтэн Т.Ариунжин, багш Т.Энхмаа, багш Ө.Мягмарсүрэн, багш Т.Энхтуяа, СӨБС-ийн багш Б.Баяржаргал, Архангай багшийн сургуулийн багш Б.Гэсэрмаа, багш Т.Норовсүрэн, Үйцай дунд сургуулийн захирал Доктор /Ph.D/ Д.Баяраа, 55-р тусгай дунд сургуулийн багш Г.Болормаа, Ц.Болормаа нар, нийт 13 хүний бүрэлдэхүүнтэйгээр ажлын айлчлал хийгээд ирлээ.
дэлгэрэнгүй
Сургалт-семинар дахин зохион байгуулагдахаар боллоо
1 өдөр 2 цагийн өмнө
МУБИС-ийн багш нарт зориулсан “Цахим хичээлийн багц материал боловсруулж сургалтад хэрэглэх нь” сургалт-семинар дахин зохион байгуулагдахаар боллоо. Тус сургалт-семинарт хамрагдах хүсэлтэй, 01 сарын 21-22-ны сургалтанд хамрагдаагүй багш нар Овог, нэр, утас, мэйл хаяг, харьяа тэнхим, сургууль зэрэг мэдээллийг 01 сарын 30-аас өмнө battogtokh@msue.edu.mn хаяг руу мэйл бичих, эсвэл http://goo.gl/forms/5FNMXZmd3D линкээр орж бүртгүүлнэ үү!
дэлгэрэнгүй
Тэнхмийн өргөтгөсөн их семинар болно
1 өдөр 2 цагийн өмнө
НХУС-ийн Орос хэлний тэнхмээс зохион байгуулах “ОРЧУУЛГЫН ОРЧИН ҮЕИЙН АСУУДЛЫН ЭРГЭН ТОЙРОНД” сэдэвт тэнхмийн өргөтгөсөн их семинар 2015 оны 1 сарын 30-ны өдрийн 15.30 цагт МУБИС-ийн хичээлийн 4-р байрны 203 тоотод эхлэх тул Та бүхнийг өргөнөөр оролцохыг урьж байна. 


дэлгэрэнгүй
МАГИСТРАНТ, ДОКТОРАНТУУДЫН ЭРДЭМ ШИНЖИЛГЭЭНИЙ БАГА ХУРАЛ БОЛНО
1 өдөр 2 цагийн өмнө
МУБИС-ИЙН МАГИСТРАНТ,  ДОКТОРАНТУУДЫН  ЭРДЭМ ШИНЖИЛГЭЭНИЙ
БАГА ХУРЛЫН УДИРДАМЖ
НЭГ. ХУРЛЫН ЗОРИЛГО:
МУБИС-ийн магистрант, докторантуудын эрдэм шинжилгээ, судалгааны ажлыг дэмжих, судалгааны ажлыг олон нийтэд сурталчлах, урамшуулах, түгээн дэлгэрүүлэх, санаа бодлоо солилцох боломжоор хангахын зэрэгцээ эрдэм шинжилгээний бага хурлын өгүүллийг эмхтгэж олон нийтийн хүртээл болгох
ХОЁР.ОРОЛЦОГЧИД:  МУБИС-д суралцаж буй магистрант, докторантууд

дэлгэрэнгүй
     

Web statsМонгол Улсын Боловсролын Их Сургууль : Baga Toiruu-14, 210648 Ulaanbaatar, Mongolia, Tel: 976-11-326010 Fax: 976-11-322705
Developed by:miniCMS™ v2