Өнөөдөр : 2015-03-05,

Үндсэн цэс
 

0

“Шатрын багш” тэмцээн боллоо
1 цаг 51 минутын өмнө
Монгол улсад анх удаа МУБИС Шатрын багш, дасгалжуулагчийн ангийг нээж, хичээллүүлэхээр болж 3-р сарын 4-ны өдөр нээлтээ хийсэн билээ. Энэ үйл ажиллагаатай холбогдуулан “Шатрын багш” нэртэй шатрын тэмцээнийг зохион байгуулав. Энэхүү тэмцээнд 20-иод шатарчид оюун ухаан, хүч чадлаараа өрсөлдсөнөөс тэргүүн байранд МУБИС-ийн Шатрын багш, дасгалжуулагчийн анхны ангийн оюутан, “Төгс нүүдэл” шатрын клубын эрхлэгч, шатрын өсвөр үеийн Улсын хошой аварга З.Цэнгэнбаяр орж, МУБИС-ийн Эрдэмтэн нарийн бичгийн дарга доктор Ч.Болдбаатар,
дэлгэрэнгүй
“Тогтворшилтой хөгжлийн боловсролын онол, аргазүйн зарим асуудал” УБ 2015 номын нээлт болов
2 цаг 52 минутын өмнө
2015 оны 3-р сарын 4-ны өдөр МУБИС-ийн хичээлийн  төв байрны Эрдмийн танхимд МУБИС-ийн зөвлөх профессор академич, МУГБ Б.Жадамбаа, МБУС-ийн тэнхмийн эрхлэгч доктор, дэд проф. Б.Сандагдорж, НХУС-ийн багш доктор, дэд проф. Б.Тунгалаг, докторант Л.Эрдэнэчимэг нарын хамтын бүтээл "Тогтворшилтой хөгжлийн боловсролын онол аргазүйн зарим асуудал" УБ 2015 номын нээлт болов. Нээлтийн арга хэмжээнд дотоод, гадаадын олон хүндтэй зочид төлөөлөгчид, номын садан эрдэмтэн багш нар хүрэлцэн ирлээ. Тухайлбал, МУ-ын анхны ерөнхийлөгч П.Очирбат, академич Б.Энхтүвшин, академич Т.Дорж, МУИС-ийн профессор багш Б.Бурмаа, МУБИС-ийн захирал доктор
дэлгэрэнгүй
Орон нутаг сургалт зохион байгуулав
3 цаг 47 минутын өмнө
МУБИС-ийн Боловсрол судлалын сургуулиас Хэнтий аймгийн МСҮТ-ийн багш нарт “Боловсролын чанарын шинэчлэл” сургалтыг зохион явуулав. БоСС-ийн 2014-2015 оны хичээлийн жилд хөдөө орон нутагт, түүний дотор Дархан, Эрдэнэт хотуудад сургалт зохион явуулаад байгаа бөгөөд энэ удаагийн сургалтыг Боловсрол судлал арга зүйн тэнхмийн багш Г.Баярмаа, Б.Ононтуул нар 2015 оны 2-р сарын 27-ноос 3-р сарын 1 хүртэлх хугацаанд Хэнтий аймгийн Чингис хотод МСҮТ-ийн 27 багш нарт “Боловсролын чанарын шинэчлэл” сэдвийн хүрээнд
дэлгэрэнгүй
МУБИС “Шатрын багш, дасгалжуулагч”-ийн анги нээлээ
1 өдөр 1 цагийн өмнө
Өнөөдөр МУБИС-ийн Урлаг, Биеийн тамирын сургуульд ШАТРЫН БАГШ, ДАСГАЛЖУУЛАГЧ-ийн анги нээх нээлтийн үйл ажиллагаа болов. Энэхүү нээлтийн хүндэтгэлийн арга хэмжээнд УИХ-ийн гишүүн Я.Санжмятав, Х.Болорчулуун, УИХ-ийн Байнгын хорооны дарга Д.Батцогт, Монгол Туургатны шатрын холбооны гүйцэтгэх захирал Н.Түвшинтөгс, МУБИС-ийн захирал доктор Д.Мөнхжаргал, дэд захирал дэд проф. Х.Тамир, дэд проф. Л.Ганцэцэг, УБТС-ийн захирал дэд проф. А.Энхмаа, НХУС-ийн захирал проф. Ж.Батбаатар, 
дэлгэрэнгүй
"Тогтвортой хөгжлийн боловсролын онол аргазүйн зарим асуудал" УБ 2015 номын нээлт болно
2 өдөр 3 цагийн өмнө
Маргааш 12.00 цагт МУБИС-ийн хичээлийн төв байрны А-207 тоот танхимд МУБИС-ийн зөвлөх профессор академич Б.Жадамбаа, МБУС-ийн тэнхмийн эрхлэгч доктор, дэд проф. Б.Сандагдорж, НХУС-ийн багш доктор дэд проф. Б.Тунгалаг, докторант Л.Эрдэнэчимэг нарын хамтын бүтээл  "Тогтвортой хөгжлийн боловсролын онол аргазүйн зарим асуудал" УБ 2015 номын нээлт болно.

дэлгэрэнгүй
ШАТРЫН БАГШ, ДАСГАЛЖУУЛАГЧ ангийн нээлт болно
2 өдөр 4 цагийн өмнө
МУБИС-ийн Урлаг, Биеийн тамирын сургуульд ШАТРЫН БАГШ, ДАСГАЛЖУУЛАГЧ-ийн анги нээх нээлтийн үйл ажиллагаа 2015 оны 3-р сарын 4-ны өдрийн 11.40 цагт МУБИС-ийн Б-байрны Номын сангийн танхимд болно. Энэхүү хүндэтгэлийн арга хэмжээнд төрийн түшээд, Монголын шатрын нэрт мастерууд, сургуулийн удирдлагууд  хүрэлцэн ирж оролцоно. Нээлтийн арга хэмжээний хөтөлбөр:
дэлгэрэнгүй
“МОНГОЛ ТУУРГАТАН ХҮҮХЭД” олон улсын эрдэм шинжилгээний хурлын эмхэтгэл хэвлэгдлээ
3 өдөр 1 цагийн өмнө
МУБИС-ийн Эрдэм шинжилгээний алба, БоСС-ийн Сэтгэл судлал, арга зүйн тэнхим хамтран Монгол үндэстэн хүүхдийн нийгэм сэтгэл зүй, бие бялдрын хөгжлийг цогц байдлаар тодорхойлох судалгаа, Монголын хүүхэд залуучуудын хөгжлийг судлах судалгааны иж бүрэн арга зүй, судалгааны сан бүрдүүлэх, Монгол үндэстэн хүүхдийн бие бялдрын хөгжлийн онцлогийн талаарх судалгааны үр дүнг нэгтгэх зорилгоор ОУ-ын эрдэм шинжилгээний хурлыг зохион байгуулсан билээ.

дэлгэрэнгүй
МУБИС-ийн номын сангийн хамт олон гутгаар байр эзлэв
3 өдөр 2 цагийн өмнө
“Монголын номын сангийн ажилтан, албан хаагчдын спортын-2015 наадам”-нд манай номын сангийн баг тамирчид амжилттай оролцон шилдэг тоглогчоор дараах ажилтнууд маань шалгарч хамт олноо баярлуулжээ. Үүнд 2015 оны Монголын номын сангийн ажилтан, албан хаагчдын спортын наадмын ШИЛДЭГИЙН ШИЛДЭГ ТОГЛОГЧ-оор  МУБИС-ийн номын сангийн захирал Ж.Баатарсүрэн, наадмын ТЭГШ ТОГЛОГЧ-оор Номын сангийн мэдээллийн ажилтан Д.Лхагвамаа нар тус тус шалгарч нийт дүнгээрээ МУБИС-ийн баг “БАГААРАА 3-Р БАЙР ЭЗЭЛСЭН” амжилттайгаар оролцжээ.
дэлгэрэнгүй
Л.Дэндэв “Дундад үеийн Монголын түүх” ном хэвлэгдлээ
6 өдөр 4 цагийн өмнө
Монголын нэрт түүхч Л.Дэндэвийн 1949 онд бичсэн “Дундад үеийн Монголын түүх” нэгэн сэдэвт зохиолыг Ж.Гэрэлбадрах, Д.Өлзийбаатар нар хоёр дахь (эхний хэвлэл 2008 он) удаагаа хэвлэн гаргав. Уг ном -эрдэм шинжилгээний удиртгал (монгол, англи хэлээр), -Л.Дэндэвийн бүтээлийн цэс, -уг зохиолын талаар Л.Дэндэвийн бичсэн илтгэх хуудас, -их хэлмэгдүүлэлтийн үед Л.Дэндэвийг хэлмэгдүүлсэн баримтууд, -уг эх зохиол гэсэн бүтэцтэй. Л.Дэндэв. “Дундад үеийн Монголын түүх” бол “Дөчин, Дөрвөн хоёрын” Монгол улсын үе буюу XV-XVIII зууны түүхийг 8 бүлэг болгон тухайн цаг үеийнхээ судалгааны түвшинд шинэлэг байдлаар бичсэн чамбай зохиол юм.
дэлгэрэнгүй

Насан туршийн боловсрол тэнхим


Тэнхмийн хамт олон
МУБИС-ийн БоСС-ийн Насан туршийн боловсрол тэнхим нь 2014 онд шинээр үүсгэн байгуулагдсан. Манай тэнхимд тэнхмийн эрхлэгчээр Доктор (Ph.D), дэд профессор С.Эрдэнэцэцэг, багш Монгол улсын гавьяат багш доктор, профессор Н.Жадамбаа, магистр Б.Хонгорзул, гэрээт багшаар доктор, дэд профессор Г.Батцэнгэл(БоСС), Ц.Баттуяа (СӨБСС), доктор Д.Одгэрэл (БС), Д.Баяраа (“Үй-цай” сургуулийн захирал), магистр Чу.Байгалмаа (БоСС), Ц.Шинэдолгор, арга зүйч Ц.Чимгээ, магистр С.Золзаяа нар ажиллаж байна.




Тэнхмийн эрхэм зорилго:
Өөрчлөгдөн хувьсаж буй нийгмийн олон талт ялгаатай нөхцөлд хүний сурах, хөгжих үйл явцыг дэмжихэд оршино.
Үйл ажиллагаандаа баримталж буй зарчим:
•    Харилцан ойлголцож, бие биеэ дэмжих
•    Хамтран ажиллагч байгууллага, хувь хүний соёл, үнэт зүйлийг хүндэтгэх
•    Өөрийн байгууллагын үнэт зүйл, дүрэм журмыг зөрчихгүй байх
•    Хамтрагч субьектүүдийн оролцооны эрхийг хүндэтгэх зэрэг болно.
Тэнхмийн үйл ажиллагааны онцлог: Насан туршийн боловсрол гэдэг нь энгийнээр томъёолбол хүний насан туршдаа тасралтгүй суралцах үйл явц юм. Цаг үетэйгээ хөл нийлүүлэн мэдлэг чадвараа байнга хөгжүүлэх хэрэгцээ шаардлага мэдээлэл технологийн үсрэнгүй хөгжлийн өнөө үед улам бүр нэмэгдэж байна. Үүнээс үндэслэн хувь хүн, байгууллага, хамт олны захиалгыг хүлээн авч мэргэжлээрээ хөрвөх, дахин суралцах, мэргэжлээ дээшлүүлэх, амьдрах ухааны боловсрол, амьжиргааны ухаанаа хөгжүүлэн сайжруулахад чиглэсэн тасралтгүй боловсролын үйлчилгээ авах боломжийг нь дэмжихэд оршино.

Сургалтын төрлүүд:

1.Бакалаврын  сургалт
•    Багш бакалаврын нэг жилийн хөрвөх сургалт
ЕБС-д судалдаг үндсэн хичээлүүдийн чиглэлээр, багш бус мэргэжилтэй, бакалаврын боловсрол эзэмшсэн иргэдэд зориулан багшийн мэргэжил эзэмших нэг жилийн сургалт
Суралцах хэлбэр: Өдөр ба зайн сургалт
•    Тусгай хэрэгцээт боловсролын багш бэлтгэх бакалаврын нэг жилийн сургалт
Суралцах хэлбэр: Өдөр
2.    Магистрантурын  сургалт
•    Насан туршийн боловсрол
•    Тусгай хэрэгцээт боловсрол
3.  Сертификатын сургалт
•    “Багшлах мэргэжил” сэдэвт сертификатын сургалт
4. Захиалгат сургалт
•    Албан байгууллага
•    Хувь хүн
•    Гэрээт байгууллагуудын захиалга авч шаардлагатай боловсролын үйлчилгээг үзүүлнэ.

Тэнхим хоорондын дотоод хамтын ажиллагаа:
МУБИС-ийн БоСС дотооддоо тэнхим салбар бүрийн нягт хамтын ажиллагааг хангаж ажиллах үүргийн дагуу Насан туршийн боловсрол тэнхим ажлаа бусадтай хамтран зохион байгуулж, дотоод хамтын ажиллаагаагаа тасралтгүй дэмжихэд анхаарч байна.
•    Сэтгэл судлал арга зүйн тэнхим: Тус тэнхмийн бакалаврын нэг жилийн ангийн сэтгэл судлалын хичээлийг сэтгэл судлалын тэнхмийн хөтөлбөрөөр профессор О.Мягмар, багшлах мэргэжлийн сертификатын сургалтын сэтгэл судлалын хичээлийг сэтгэл судлалын тэнхмийн багш нар, тусгай хэрэгцээт боловсролын багш бэлтгэх нэг жилийн сургалтад доктор, дэд профессор Г.Батцэнгэл Оюуны бэрхшээлтэй хүүхдийн боловсрол, Сонсголын бэрхшээлтэй хүүхдийн боловсрол, Хөдөлгөөн ба хавсарсан бэрхшээлтэй хүүхдийн боловсрол хичээлийг тус тус зааж байна.
•    Нийгмийн ажлын арга зүйн тэнхим: Тус тэнхмийн зохион байгуулдаг захиалгат сургалтын багт багш О.Жаргалсайхан, тусгай хэрэгцээт боловсролын багш бэлтгэх нэг жилийн ангид багш Чу.Байгалмаа Өвөрмөц бүлгийн хүүхдийн эцэг эх, олон нийтийн оролцоо, Сэтгэлийн хөдөлгөөн ба зан үйлийн эмгэгтэй хүүхдийн боловсрол хичээлүүдийг тус тус зааж байна.
•    Боловсрол судлал арга зүйн тэнхим: “Багшлах мэргэжил” сертификатын сургалтад тэнхмийн багш профессор Ш.Ичинхорлоо, доктор Г.Баярмаа, Ч.Байгалмаа, Р.Намжилдагва, Л.Ариунжаргал, магистр С.Энхтүвшин, П.Алтанцэцэг, Д.Базарваань, Э.Мөнхбат нар хичээл зааж байна.
•    Цахим технологийн баг: Н.Даваасүрэн, Ж.Шинэбаяр, Д.Мөнх-Эрдэнэ захиалгат сургалтад цахим хэрэглэгдэхүүн бэлтгэх, зайн сургалт гэсэн сэдвээр 1 өдрийн хичээл заадаг. Доктор Н.Даваасүрэн магистрантурын /ТХБ/ сургалтад зориулан 3 хичээлийн хөтөлбөр боловсруулахад хамтран ажиллаж байна. Насан туршийн боловсролын тэнхмийн вэб хуудаст зайн сургалтын хичээл боловсруулахаар арга зүйч С.Золзаяатай хамтран ажиллаж байна.
Хамтран ажиллагч байгууллагууд:
•    Насан туршийн боловсролын үндэсний төв
•    Багш нарын мэргэжил дээшлүүлэх институт
•    Боловсролын хүрээлэн
•    Нийслэлийн боловсролын газар
•    Хүн амын сан
•    МУБИС-ийн Математик - Байгалийн ухааны сургууль
•    МУБИС-ийн Урлаг - Биеийн тамирын сургууль
Хамтран ажиллагч гадаадын их дээд сургуулиуд:
•    АНУ-ын Нью Мексик мужийн их сургууль
•    Финлянд улсын Оулугийн их сургууль
•    Солонгосын Чанвоны их сургууль
•    Япон улсын Нагоягийн их сургууль
•    Япон улсын Хёогогийн их сургууль



                               Хаяг: БОЛОВСРОЛ СУДЛАЛЫН СУРГУУЛЬ
                                                 Насан туршийн боловсролын тэнхим
                                                                         Утас:327903
                                                                         И-мэйл: tsezenchimgee@yahoo.com


     

Web statsМонгол Улсын Боловсролын Их Сургууль : Baga Toiruu-14, 210648 Ulaanbaatar, Mongolia, Tel: 976-11-326010 Fax: 976-11-322705
Developed by:miniCMS™ v2