Эдүгээ тус сургуульд 340 гаруй багш ажиллаж байгаа бөгөөд тэдний дотор академич 1, профессор, дэд профессор 100 гаруй, доктор, дэд доктор 120 гаруй, магистр 230 гаруй өөрөөр хэлбэл нийт багш нарын 50 гаруй хувь нь эрдмийн зэрэг цолтой, үлдсэн хувь нь боловсролын зэрэгтэй байна. Сүүлийн жилүүдэд төрийн дээд шагналаар 40 гаруй хүн, Монгол Улсын Ардын багшаар 1, гавъяат багшаар 8 хүн шагнагдсаны дээр эрдмийн зэрэг, цолтой багш 100 орчмоор нэмэгджээ. Манай сургуулийн багш нар сургалтын шинэ технологийг эзэмшсэн их, дээд сургуулиудын олон арван сурах бичиг зохиож, гарын авлага боловсруулсан байна. Мөн түүнчлэн ерөнхий боловсролын сургуулийн нийт хичээлийн стандарт, хөтөлбөрүүдийг боловсруулан, эдүгээ улсын хэмжээгээр мөрдөгдөн хэрэглэгдэж байгаа сурах бичгүүдийн 80хувийг тус сургуулийн багш нар бичиж нийтлүүлсэн байна.