Ректорын 2007 оны 230 тоот тушаалын 1-р хавсралт

Нэг. Нийтлэг үндэслэл

1.1. Монгол Улсын Боловсролын Их Сургууль  /Цаашид МУБИС гэнэ/-ийн  дотоод журам нь Монгол Улсын хөдөлмөрийн тухай хууль, Төрийн албаны тухай хууль, Боловсролын тухай багц хууль, бусад хууль тогтоомж, МУБИС-ийн дүрмийн хүрээнд захиргаа, багш, ажилтны хөдөлмөрийн харилцаа, бүрэлдэхүүний нэгжүүд болон байгууллагын дотоод үйл ажиллагааг зохицуулна.
1.2. МУБИС-ийн дотоод журмыг багш, ажилтны саналыг харгалзан боловсруулж, Монгол Улсын хөдөлмөрийн тухай хуулийн 130 дугаар зүйлийн 130.1 дэх заалтын ёсоор МУБИС-ийн Захирал баталж мөрдүүлнэ.
Энэ журамд нэмэлт өөрчлөлт оруулахаар гаргасан багш, ажилтны төлөөлөгчийн саналыг Захиргааны зөвлөлийн хурлаар хэлэлцэн шийдвэрлэнэ. МУБИС-ийн захиргаа, бүрэлдэхүүний нэгжүүд, багш, ажилтан, ажилчид энэхүү дотоод журмыг дагаж мөрдөх үүрэгтэй.
1.3. МУБИС-ийн хөдөлмөр зохион байгуулалт нь дээд байгууллага, бүрэлдэхүүний нэгж, удирдах албан тушаалтны эрх үүрэг, тэдгээрийн ажлын уялдаа холбоо, багш, ажилтнуудын  ажлын байрын тодорхойлолтоор  зохицуулагдана. “Ажлын байрын тодорхойлолт”-ыг МУБИС-ийн Захирлын тушаалаар батална.
1.4. МУБИС-ийн дүрэмд заасан бүрэлдэхүүний нэгжийг байгуулах, өөрчлөх, татан буулгах асуудлыг Захиргааны зөвлөлийн хурлаар хэлэлцэж, МУБИС-ийн Захирлын тушаалаар шийдвэрлэнэ.
1.5. МУБИС-ийн хичээлийн болон оюутны байр тус бүр ашиглалтын зөвлөлтэй байна. Зөвлөлийн бүрэлдэхүүн, үйл ажиллагааны чиглэл, ажиллах журмыг Эдийн засаг, хамтын ажиллагаа эрхэлсэн дэд захирал батална.
1.6. Энэ журмын хэрэгжилтэд МУБИС-ийн захиргаа, тус сургуульд ажиллагчдын Төрийн бус  байгууллага, багш, ажилтан хяналт тавина